طريقه عمل تورته بالمانجو
اسهل تورته ممكن تتعمل واقل تكاليف واللي عمره ماعمل تورته وعايز يعمل تورته ممكن يعملها لايوجد فيها محسن كيك وكلها طبيعيه وطعمها احلى من الجاهز جربوها
المقادير
5بيضات
كوب وربع دقيق
كوب سكر
فانليا
باكو بيكنج بودر
رشه ملح
ربع كوب زيت
المتعارف عليه الاسبونش لا ياخذ ماده دهنيه لكن الزيت بيدله طراوه وهشاشه وطعم مختلف في التورته
الطريقه
نضرب البيض والسكر والفانلياورشه الملح حتي يتضاعف حجمهم ويبض ويبقي شبه الكريمه ونضيف الزيت ونضرب ضربتين فقط ونكون نخلين الدقيق ونقلب معاه البيكنج بودر ونسخن الفرن علي درجه حراره 180 ونضيف الدقيق للخليط حبه حبه ونقلب بالمعلقه الخشب من تحت لفوق براحه حتي تحتفظ بالهواء داخلها ونكون مجهزين صنيه مقاس 26 ونبطنها بالزبده والدقيق ونصب الخليط وندخلها الفرن لمده 40 دقيقه ونختبرها بخله خشبيه تخرج نظيفه ونتركها تبرد ياريت نعملها قبلها بيوم ونعمل شربات خفيف جدا كوب سكر علي كوب ماء يغلو غلوتين ونتركه يبرد ونضرب الكريمه اللباني ونضيف سكر بودر و3ملاعق كبار كريم شانتيه خام بدون سكر ونقسم الاسبونش الي 3قطع بالتساوي ونضع الطبقه الاولي ونبلله بفرشاه من الشربات اللي عملناه وممكن لو عاوزه تعمليها بكمبوت خوخ او اناناس بدل المانجو ممكن تسقي بشربات الكمبوت انا عملاها بالمانجو طعم المانجو في التورته مختلف تماما خصوصا مع الكريمه اللباني ونضيف طبقه من الكريمه ونفردها ونضع عليها مكعبات من المانجو وطبقه من الاسبونش ونسقيها علي خفيف جدا وطبقه من الكريمه وعليها مكعبات مانجو ونجلسها كلها بالكريمه وندخلها الفريزر تشد والفنش النهائي كل واحد وذوقه ونلمعها بجيلي التلميع