السمك الماكريل بالليمون والخضار .... المقادير .... سمك ماكريل ليمون خضار (فلفل رومي او حار او الإتنين وطماطم وكسبره خضرا وممكن بصل او الإستغناء عنه) وزيت وخل وتوم مفروم وملح وفلفل اسود وكمون وكسبره ناشفه وشطه حسب الرغبه .
الطريقه ..... تنظفي السمك جيدا وتنقعيه في مايه وملح وخل وغسليه بعد النقع وتصفيه كويس وتتبليه بملح ورشه من كل التوابل السابقه وتوم مفروم وليمون ويترك جانبا .... لغاية مايتبل السمك نكون قطعنا الخضار شرايح او مكعبات زي ماتحبي وتبليه بقليل من الملح والتوابل السابقه وتجيبي طاجن بايركس اوصنيبه مستطيله وتحطي طبقه من الخضار وترصي عليها سمك محشي من نفس الخضار وبعدين طبقه من الخضار وتحطي شرايح ليمون علشان ريحة الزفاره وتعملي خليط من الليمون والخل والزيت مع قليل من التوابل السابقه وترشيه ع الطاجن وتوزعيه كويس ع السمك والخضار وتدخليه فرن حار لحد ما الوش يحمر والسمك يستوي وبالهنا والشفا