المحشى
المقادير
٤كوب ارز
بصله كبيره مبشوره
عصير٥حبات طماطم كبيره
معلقة توم مفروم
ربع كوب زيت
حزمة شبت مفروم
حزمة بقدونس مفروم
حزمة شبت مفروم
٥عود ريحان مفروم لو مش عنديك عادى بس ب الريحان بيكون جميل جدا
ملح حسب الرغبه
نص معلقة فلفل اسود
٢معلقة كسبره ناشفه
نص معلقة بهارات
٢مكعب مرقة دجاج
٣كوب شوربة فراخ او لحمه
وطبعا الكرومب او البادنجان او الكوسه او الفلفل او ورق العنب
الطريقه
اغسلي الارز جيدا ثم يصفاه ويترك جانبا
فى اناء على النار انزلى ب الزيت بعد كده البصل والتوم مع التقليب المستمر لحد ما ياخد لون شفاف انزلى عليه ب عصير الطماطم اول ماتغلي انزلى ب الملح والفلفل والكسبره الناشفه ومكعبين المرقه مع التقليب بعد كده غطى الاناء وهادئ النار على الاخر لحد ماتتسبك فى انا اخر انزلى ب الارز والشبت والبقدونس والكسبره والريحان المفروم و البهارات بعد كده انزلى ب الصلصه على الارز ويقلب جيدا وبكده يكون جاهز للحشو فى انا اخر قطعى فيه جزر حلقات وتقوير الكوسه و قومى بعده كده بحشو الخضار بتاعك وقومى برصهم بشكل منتظم فى الاناء او ب البلدى الحله اضفي اليه الشوربه و ارفعى الاناء على النار وغطى الاناء كويس و اول ماتغلى الشوربه قومى بتهدئة النار عليه لمدة ساعه ويقدم ساخن
اما لو ورق عنب يفضل اضافة شويه لحمه مفرومه معصكه الى خلطة الارز ويرص فى اناء لوحده مع اضافة الشوربه عليه وعصير ليمونه ويقدم ساخن
طريقة عمل اللحمه المفرومه
فى اناء على النار ضعى الزيت و اول ما يحمى انزلى ب اللحمه فقط بدون بصل لان المحشي واخد بصل مع التقليب المستمر وبعد كده انزلى ب الفلفل الاسود والملح و ورق اللاورا المطحون مع التقليب على نار عاليه لمدة خمس دقائق وبعد كده يضاف على الارز بس لازم يكون اللحمه نفس كمية الارز او اكتر عادى
اما الكرومب يفرغ ورق الكرومب و فى اناء على النار به ماء بيغلى وانا اخر فيه ماء متلج انزلى بورقة الكرومب فى الماء الساخن ويخرج من الماء الساخن الى الماء المتلج على طول بعد كده يقطع ويحشو الكرومب فى اناء اخر لوحده ويرفع على النار ويقدم ساخن
والف هنا وشفا