بيكالتا لحم ب المشروم

المقادير

نص كيلو لحم بفتيك مقطع شرائح رقيقة مشروم فريش او علب بصلة مقطعة شرائح( جوليان ) مياة بصل كوب كريمة طهى ( كريمة لبانى ) نص كوب لبن ملح وفلفل دقيق ملعقتين زبدة ملعقتين زيت ذرة

الطريقة الاول هنتبل اللحمة بمياة البصل وملح وفلفل ونسيبها فى التلاجة 4 ساعات على الاقل والافضل تبات فى التتبيلة علشان الانسجة تتحلل وتبقى اطرى واسرع فى السوا بعد كدة بنعفر اللحمة بالدقيق ونتخلص من اى دقيق زيادة ونجيب طاسة تيفال نسيح فيها معلقتين زبدة ومعلقتين زيت ذرة ونبدأ نحمر اللحمة فيها بنحمرها بس علشان تاخد صدمة ولون مش علشان تستوى اول ما تاخد اللون بنشيلها من الطاسة ونحط باقى كمية اللحمة لحد ما نخلصها فى نفس الطاسة مكان التحمير نضيف شرائح البصل ونشوحهم اول ما البصل يصفر نضيف المشروح ونشوحه معاه 3 دقايق نضيف اللبن واول ما يسخن نضيف اللحمة تانى ونوطى النار ونغطى الطاسة 10 دقايق او ربع ساعة على نار هادية علشان اللحمة تستوى كويس بعد اللحمة ما تستوى نضيف كريمة الطهى ونظبط الملح والفلفل وبعد كده تغرف وتقدم ساخنة بالف هنا وشفا