كوردون بلو
طريقة فراخ من المطبخ الانجليزي ومشهورة جدا في كل البلاد وسهلة والاطفال والكبار بيحبوها
المقادير
٣ صدور فراخ
١/٤ كيلو لحوم مدخنة ( تركي مدخن او لانشون النوع اللي تفضلوه)
شرايح جبنة شيدر ( او اي جبنة بتسيح melted cheese )
ملح وفلفل
١/٢ كوب دقيق
١ كوب بقسماط (bread crumbs)
٢ بيضة
زيت للقلي
الصوص
٢ ملعقة زبدة
١ ملعقة زيت
٢ ملعقة دقيق
١ كوب لبن
١/٢ كوب شوربة او مكعب مرقة دجاج في ربع كوب ماء
١/٤ كوب جبن بارميجان او رومي
الطريقة
نتبل الفراخ بالملح والفلفل ونقطعها شرايح خفيفة اوي وفي نفس الوقت عريضة بحيث تكون الشريحة في طول وعرض كفة الايد ونحط فيها شريحة تركي او اي نوع وشريحة جبنة ونلفها
١- الطريقة الاولي نلفها زي السويسرول ونقفلها بخلة الاسنان الخشب
٢- الطريقة التانية بعد مانفرد الجبنة نجيب شريحة دجاج تانية ونقفلها برده بخلة اسنان زي الساندويتش ودي ممتازة بس حاولي تخلي سمك الفراخ خفيف،
وبعدين نحطها في الدقيق والبيض والبقسماط ونغلي الزيت كويس ويكون غزير
وبعد كدا نقلل النار جدا علشان تستوي كويس ولو حاسة انها لسا بعد ماتتحمر بتحطيها في صينية وتغطيها بفويل وتدخليها فرن درجة حرارة متوسطة لمدة ربع ساعة بس مش هتحتاج لو قطعتيها خفيف
الصوص
نسخن الزبدة والزيت ونبدا نضيف الدقيق ونقلبه لمدة دقيقة ثم نضيف اللبن ونقلب كويس وبعدين الشوربة واخر حاجة الجبنة ونضيف الصوص سخن علي الفراخ بعد مانقطعها شرايح
( ملحوظة الصوص الاصلي للكوردون بلو لازم بيتحطله ديجون ماسترد نوع ماسطردة بس لازع اوي dijon mastered بس انا عملتها من غيره خفيف لو حابين بنضيف معلقة واحدة)
كوردون بلو .شيف / ياسر غريب
من أحدث مقالات نادية حسن
- المصريه لمشروعات الشباب تختتم المنحه المجانيه ( تاهيل الشباب لسوق العمل)
- محافظه السويس ندوتان مشرفتنا لوحده السكان لدكتوره ساره أخصائي تعديل السلوك ندوه عن العنف والتنمر واثار التكنولوجيا على جميع تصرفات الانسان
- محافظه السويس ندوتان مشرفتنا لوحده السكان لدكتوره ساره أخصائي تعديل السلوك ندوه عن العنف والتنمر واثار التكنولوجيا على جميع تصرفات الانسان
- مبادره ( شبابنا مستقبلنا) لرفع الوعي بصحه المراهقين
- مشاركة وحدة السكان ممثلا عنها الدكتورة نهال صلاح الدين اخصائى النسا والتوليد