كبيبة
انا حكتبها بطرقتى انا
كيس برغل الضحى او الفيروز بلاش السايب
كيلو لحمة مفرومة
بصلة متوسطة
قرن فلفل اخضر
توابل عبارة عن ملح وفلفل وحبهان وزعتر
وجنزبيل وكارى وبابريكا والقرفة اساسى
الطريقة
اولا تنقعى البرغل 5 دقائق فقط بلاش حكاية ساعة ونصف ساعة علشان حيشرب مية وتعجت منك
تصفيها كويس اوى من المية
تفرمى البرغل مع البصلة مع الفل مع ربع كيلو لحمة مفرومة فقط
تتفرم كويس جدا وتحطى كل التوابل وتدخل التلاجة نصف ساعة
اعملى باقى اللحمة اللى هى كيلو الا ربع عصاج مع بصلتين
وحطى نفس البهارت على اللحمة وخليها تنشف من المية
هاتى العجينة اللى فى التلاجة اللى هى البرغل مع اللحمة
وكورى قطعة صغيرة واعملى حفرة فيها واحشيها بالحمة المفرومة
المتعصجة وحاولى تقفليها وتعملى لها بوز زى الصورة
دخليها فى التلاجة قبل القلى شوية
لو حتحتفظى بيها فى الفريزر حتبقى جميلة
تطلع من الفريزر على القلى على طول
وتتقلى فى زيت غزير وحامى
طريقه عمل الكبيبه..شيف /ياسر غريب *
من أحدث مقالات نادية حسن
- المصريه لمشروعات الشباب تختتم المنحه المجانيه ( تاهيل الشباب لسوق العمل)
- محافظه السويس ندوتان مشرفتنا لوحده السكان لدكتوره ساره أخصائي تعديل السلوك ندوه عن العنف والتنمر واثار التكنولوجيا على جميع تصرفات الانسان
- محافظه السويس ندوتان مشرفتنا لوحده السكان لدكتوره ساره أخصائي تعديل السلوك ندوه عن العنف والتنمر واثار التكنولوجيا على جميع تصرفات الانسان
- مبادره ( شبابنا مستقبلنا) لرفع الوعي بصحه المراهقين
- مشاركة وحدة السكان ممثلا عنها الدكتورة نهال صلاح الدين اخصائى النسا والتوليد