الحواوشى
لحم مفروم
بصلة كبيرة لكل كيلو لحم
ملح / فلفل اسود / فلفل حامى حسب الرغبة / بقدونس حسب الرغبة
عيش بلدى
نحشى العيش باللحمة المتبلة وندهن العيش من برة بالسمن مش زيت
فى كذا طريقة تسوية
لو الكمية قليلة ممكن نقلى رغيف رغيف فى طاسة مع التقليب
لو عاوزينه طرى بعد متدهنو العيش بالسمن يتلف فى ورق فويل ويدخل الفرن نص ساعة كل ناحية ربع ساعة
لو عاوزينه مقرمش ميتلفش فى فويل ويتسوى على صاجة الفرن ربع ساعة وبعدين نقلبه ونسيبه كمان ربع ساعة
لنكهة الشوى نحط الحواوشى فى حاجة قابلة للتغطية ونكون مولعين فحماية وبعدين محطها فورقة فويل نعملها شكل الكوباية ونطفيها بمعلقة سمن ونغطى بسرعة
دى التتبيلة العادية .. كل واحد حر يفتكس زى مهو عايز .. جوزة طيب شغال .. رشة قرفة ماشى .. فلفل الوان ميضرش ..
