كباب الحله اللحمه:
المكونات :
كيلو لحمه متقطعه حتت صغيره
٣ معالق كبيره سمنه
٣ بصلات كبار مبشورين
٢ قرن فلفل أخضر متقطع صغير ولو حد عايزها حاميه ممكن نحط الفلفل حامي
٢ طماطم متقطعه صغيره
رشه خل بسيطه
ربع معلقه صغيره كاتشب
نص معلقه صغيره سكر
توابل نص معلقه صغيره من ( فلفل اسود /كمون/ جنزبيل/ كركم / رشه قرفه
الطريقه :
بسخن السمنه كويس وبنزل بقطع اللحم بعملها صدمه كده وطبعا مقلبش في الأول عشان متنزلش مايتها وبعدين اقلبها دقيقتين كده وانزل بالبصل واقلب ٣ دقايق ولو حسيت انها محتاجه سمنه بحط او اوطى النار حاجه بسيطه وبعدين انزل بالفلفل الأخضر واقلب برضو ٣ دقايق وبعدين انزل بالطماطم واقلب كويس وبعدين اخر حاجه احط التوابل واقلب دقيقتين
اهم حاجه بقى لما بضيف الميه اني مخليش الحله مليانه ميه لا احط يدوبك يغطيها وكل شويه أضيف ميه حبه بسيطه لحد ما تستوي ومحطش الملح الا ف الاخر وده لسببين اولا عشان تستوي وثانيا عشان الملح بيخلي اللحمه تنشف لأنها بتنزل العصاره فطبعا يفضل ف الاخر
تكه كمان بتاعتي بحط نقطتين خل وربع معلقه صغيره كاتشب ونص معلقه صغيره سكر بعد ما بحط الميه
وبس على كده
بالهنا والشفا
كباب الحله اللحمه / شيف ياسر غريب
من أحدث مقالات الصحفى على
- محافظ السويس يتبادل التهاني مع القيادات العسكرية والامنية والتنفيذية بمناسبة العيد القومي ال50 لانتصارات شعب السويس
- محافظ السويس وقائد الجيش الثالث ومديرالأمن يضعون أكاليل من الزهورعلى النصب التذكاري بمناسبة الذكرى الـ ٥٠ لانتصارات شعب السويس الباسل
- محافظ السويس وزراء التنمية المحلية والتخطيط والإسكان يتفقدون مشروعات الصرف الصحي بالمحافظة
- وزير الصحة يتفقد مستشفى الهلال للتأمين الصحي بسوهاج ويوجه بسرعة البدء في أعمال تطوير ورفع كفاءة المستشفى
- محافظ السويس وزراء التنمية المحلية والتخطيط والإسكان يفتتحون منفذ بيع السلع الغذائية بحي الأربعين بالسويس