صباح الفل يا حبيبه
يا أجمل طير
بشوف كل الأمل فيكى
واقول الدنيا لسه بخير
صباح الفل يا حكايه
عاشقها وعايشه جوايا
يا حب ملوش ولا نهايه
يا ساكنه القلب بالعافيه
بدون تفسير
صباح الفل يا حبيبتى
يا وش الخير
تسمحيلي لما اشوفِك
أرمى حِملى بين كفوفِك
و اعشق البسمه ف كسوفِك
أبقى مركب / تبقي نيلي
تسمحيلي؟
تسمحيلي اكون ناياتى
اعزفك ويا حكاياتى
ابقى م المقامات بٓياتي
تبقي م الالحان دليلي
تسمحيلى؟
تسمحي لو تحكى حبّه
تملى كل الكون محبّه
حتى لما تغيبى حبّه
تختاريني اكون بديلي
تسمحيلي؟
تسمحيلي يا صبيّه
ابقى طير تبقيلي غيّه
تبقى شمس المغربيه
فوق بحور الشوق تميلي
تسمحيلي؟
الليل هينام
و الزحمة هتشرق و انا سهران
كل الأيام
بتعيد الرقصه اليومية ب توبها البهتان
الحق مدان
و الظلم مدان
طول ما الأطراف كلها عميان عكس وضوحي
كل الأيام
بتدوس ف الرقصه على جروحي
الشمس تعوم
و الزحمة هتغرب و أنا سهران جنب طموحي
ماعرفش أنام
تمشى الأحلام
و الليل هينام
بعد اما هيستهلك روحي
صباح الفل / ماجد منير
من أحدث مقالات الصحفى على
- محافظ السويس يتبادل التهاني مع القيادات العسكرية والامنية والتنفيذية بمناسبة العيد القومي ال50 لانتصارات شعب السويس
- محافظ السويس وقائد الجيش الثالث ومديرالأمن يضعون أكاليل من الزهورعلى النصب التذكاري بمناسبة الذكرى الـ ٥٠ لانتصارات شعب السويس الباسل
- محافظ السويس وزراء التنمية المحلية والتخطيط والإسكان يتفقدون مشروعات الصرف الصحي بالمحافظة
- وزير الصحة يتفقد مستشفى الهلال للتأمين الصحي بسوهاج ويوجه بسرعة البدء في أعمال تطوير ورفع كفاءة المستشفى
- محافظ السويس وزراء التنمية المحلية والتخطيط والإسكان يفتتحون منفذ بيع السلع الغذائية بحي الأربعين بالسويس