مشكلتى أنى خجول
بحبها كتير من قلبى لكن مش قادر أقول
مرسومة صورتها فى الننى ماهى بنت الأصول
لو مرة حلمت بيها بتمنى الحلم يطول
ما دى اللى قلبى ليها مال ودايما ً بيها الفكر مشغول
أنا حبى ليها حكاية تدرس فى الفصول
أصلها مش بس جميلة دى أحلا من العسل المعسول
وأجمل نعمة ليا بتمناها ما تزول
لو عينى جت فى عينها أكون فى حالة خمول
وإن شوفت دمعة فى عينها قلبى بيكون مذهول
يبكى لوحده عليها ومش ببقى عليه مسئول
ودا أكبر دليل لحبى ليها بس ازاى أقول
ومشكلتى إنى خجول