كتب أكرم الكراني (رئيس قسم الفن والتحقيقات الصحفية) ناجي العلي وهجوم علي نور الشريف ****** تحل اليوم ذكري وفاة الفنان المثقف نور الشريف والذي تم اتهامه بأنه خاين وانه باع بلاده نور الشريف لأن هو يستحق فعلا أننا نفتكره. أيامها إتعملت حملة مقرفة وشرسة جدا ضد نور الشريف، عشان أنتج فيلم ناجي العلي ولعب دور البطولة. والحملة دي إستمرت شهور. وطبعا ماكانتش بس ضد نور الشريف، كانت ضد كل صناع الفيلم والمشاركين فيه. وإتقال فيها كل أنواع القذارة الممكنة.. بدئها جورنال الأخبار، وإمتدت لكل الصحف الحكومية، وشوية صحف معارضة كمان. وشارك فيها ناس كتيرة جدا من كل المجالات.. ومنهم بالمناسبة ناس بنحبهم. بس لا داعي لذكر أسماءهم لاننا انهاردة في مناسبة ذكري نور الشريف وإستغرب إزاي ممثل كبير زي نور الشريف يضر بلده مقابل الفلوس!! وطبعا مانسيش أنه يقول علي نفسه أنه مش ممكن يعمل كدة. وفيه سينمائيين مهمين شاركوا في دبح الفيلم في مهرجان القاهرة، وبعديها في المهرجان القومي، لصالح الدولة. في الأول بدأت الحملة بأن "مين ناجي العلي ده؟! ده رسام مجهول!!" وسألوا ليه نور الشريف مايعملش فيلم عن رسام كاريكاتير.... _____________ ****** نور الشريف فنان جميل جدا.... وتكريم من كلية الاعلام وداعا الفنان نور الشريف المثقف ،العبقري، السهل الممتنع ،المتألق دوما، الذي لعب كل الشخصيات بسلاسة تدخل قلبك مباشرة ، ومنذ لعب شخصية كامل لاظ في السراب رائعة نجيب محفوظ ، وعادل عِوَض في القاهرة والنَّاس ، وعندما قلت له أجمل المشاهد لك في نظري مشهدك وانت تؤدي دور يوسف شاهين عندما كانت أم كلثوم تشدو ( رجعوني عنيك لأيامي اللي راحوا )في فيلم واسكندرية ليه ضحك وقال لشقيقي مش بقولك الدكتور محمد دا فنان لأن هذا المشهد من اجمل مشاهدي علي الأطلاق وذلك عندما كان في زيارة لنا في أحدي حفلات كلية الإعلام... _________' الاعتراف الاخير.. كنتو تعرفو ان فيلم (الاعتراف الأخير) ل نور الشريف _نيلى _نبيلة عبيد .. مأخوذ من قصة حقيقية حدثت بالفعل فى اسكندرية فى فترة السبعينيات، وتداولها الأهالى لسنوات طويلة، لا أحد من أهالى الإسكندرية لا يعرفها خاصة كبار السن، وأصبحت تتداولها الأجيال الجديدة وهى ظهور «عفريتة الشاطبى»، التى سميت بذلك لأنها ظهرت فى منطقة الشاطبى بجوار مقابر المسيحيين... ٱخر مشهد فى الفيلم مرعب جدٱ ? _______________ نور الشريف واحمد زكي ***** سألوا المخرج عاطف الطيب عن الفرق بين نور الشريف و احمد زكي؟ "نور الشريف اراه مكتملا في الدور حين اختاره و بيأدي بحرفية شديدة،اما احمد زكي قال انه بيديله ابعد من ذروة الدور بكتير" . -بعدها سألوا نور الشريف عن احمد زكي؟ "لو موهبتي 7/10 موهبة احمد زكي هتكون 10/10 و اللي عمله احمد زكي في مسيرته ميجيش شئ من موهبته و لو كان فضل عايش كان هيقدم ما هو اعظم" احمد زكي عمل افضل character study في السينما المصرية بموهبته المفرطة ________________ محمد صبحي ونور الشريف ******* محمد صبحي : أنا فوجئت ب نور الشريف داخل عليا "أستوديو مصر" وإحنا بنعمل "فارس بلا جواد" وقالي "محمد أنا جايلك علشان أشوف التجربة بتاعتك وانا سمعت عنها وفرحان جدا بيها" .. ويقعد معانا اليوم كله وياكل معانا ، دي طاقة إيجابية هو بيبعثها دايما ومش معايا أنا بس ولكن مع كل الفنانين ❤ (يقصد تجربته المسرحية) ____________________ سعاد حسني ونور الشريف ********* "كشكول مشترك بين نور الشريف وسعاد حسني" كان الشيئ اللي بيجمع نور الشريف وسعاد حسني في الشغل هو إستخدامهم لكشكول بيدونوا فيه ملاحظات ويذاكروا فيه الشخصية وأهم مميزاتها .. نور الشريف كان بيعمل دة بوعي لكن سعاد حسني وصل الأمر بالنسبالها لحد الوسوسة .. نور الشريف حكي إنها كانت قلقة جدا بشأن فيلم "غريب في بيتي" وكانت بتسأل عن هدف العمل وايه لازمته .. لدرجة إنها كانت عايزة تغير في السيناريو ، نور الشريف قالها "دة مجرد فيلم للتسلية زي كل الأفلام اللذيذة والبسيطة" .. لكنها ماقتنعتش وزادت وسوستها . ____________ نور الشريف ومحمود مرسي ********* الفنان الراحل نور الشريف قال في حوار قبل كدا انه بيعتبر الفنان محمود مرسي واحد من أفضل الممثلين في تاريخ السينما وبيقول انه اكتشف دا من خلال مشاركته معاه في فيلم زوجتي والكـ لب و دا لأن دور محمود مرسي فالفيلم كان اغلبه صامت من غير كلام وبيعتمد على التعبير بالوجه فقط وطبعا محمود مرسي الله يرحمه كان من أفضل الفنانين اللي بيعبرو عن اللي جواهم بوشوشهم وعيونهم بدون ما يتكلموا واللي هوا بالمناسبة يعتبر من أصعب أنواع التمثيل.