أدف يــا مراكبى
**********
أدف أدف يا مراكبى على القنال يلا وعدى
عند السويس هدى وهدى
تعظيم سلام كمان وأدى لأبويا وعمى و جدى
اللى راحوا فدا لبلدى
عرفت مين أنا يا مراكبى
أنا من السويس أنا مين قدى
لكل الغزاة أنا متصدى قولولى ليه بقى أنا راح أخاف
من مدفع كان أو من رشاش
د انا من غير بلدى مسواش
ولو فى قلبى زخيرة رصاص روحى فداكى يا بلدى
أدف أدف يا مراكبى
**********
أنزل شوف هنا أجدع ناس
اللى قلوبهم مليانة حماس
رجالة أصيلة ما تنداس
طيبة قلوبهم زى الماس
بيحبوا بلدهم وبإخلاص
حب وأصالة ولا كل الناس
عشان هما دول السوايسة الأساس
وهما طبعا أحسن ناس
أصحاب المية المالحة ووشوهم أبدا مش كالحة
أيوة سمر فى لون البشرة بس طول عمرهم بيصونوا العشرة
دايما ً رجالة فى كلمتهم وما حدش يدوس على كرامتهم
دى هى مصدر قوتهم وهى دى أصل حياتهم
و يوم ما يجى يوم مماتهم يا يكونوا شهداء يا ينصروا أمتهم
والله ما بكدب يا مراكبى
أدف أدف يا مراكبى
**********
أنا مش لاقى كلام يتقال للى طالة على القنال
واللى عشقى ليها ملهوش مثال
هى دى أرض النضال وهى منبع الأبطال وعدين لبلدهم بالإنتصار
ولا هيكون فيها أى حصار ولا نرفع راية الإنكسار
أنا عمرى يا بلدى ما هبكى عليكي
ما المولى هو اللى حاميكى
بس اللى هقدر أعملوا ليكي
لو المياه خلصت منيكي
دمى هيكون نهر عشان يرويكي
ما أنا طول عمرى عايش فيكي
ياما أخدت كتير منيكى
مش معقول يوم ما تحتاجيلى أخلى بيكي
أو أبخل بأى حاجة عليكي
والله ده ما يرضيش ربى
أدف أدف يا مراكبى
**********