دى طرقتى وفى طرق كتير كلها صح وجميلة
اولا كيلو دقيق وزرة ملح ودى سنة عن الرسول زرة الملح
3 كوب الا ربع سمنة كل واحدة تستعمل السمنة اللى تفضلها
او نصف كيلو سمنة حسب ما انتى تحبى تعايرى
الكوب ابو ودن الزجاج اللى بنشرب فية الشاى
ملعة ريحة كعك صغيرة
نصف ملعقة محلب ودة من عند ااعطار حبوب شكل القمح وانتى اطحنية فى البيت
ولو مش عايزة مفيش مشكلة دة بيدى رحة وناكهة حلوة للكعك فقط
3 ملاعق سمسم
سخنى السمنة وتضاف للدقيق وبسى كويس جدا لحد م كل الدقيق يتشرب من السمنة
يضاف بنفس الكوب اللى عابرتى بية السمنة ربع كوب زبادى واعجنى
يضاف كوب الا ربع حليب دافى مدوب فية ملعقة خميرة كبيرة مع ملعقة سكر صغيرة
اعجنى كويس جدا لحد ما العجينة تظبط وتتلم معاكى وكل ما تعجنى كويس النتيجة حتبقى ممتازة
طبعا مليون سؤال على الزبادى والحليب
الزبادى بيطرى العجينة والحليب بيخليها تمسك
يبقى الكعكة ناعمة جدا فى الاكل وماسكة نفسها ومش بتتكسر منك
واللبن والزبادى مش حيبوظ الكعكة لانة مستوى
طبعا نسيب العجينة تخمر كويس قبل التقطيع
وبعد التقطيع بردة لازم ترتاح ربع ساعة
ويخبز فى فرن البوتجاز عادى على درجة 180 وفى الرف اللى فى النص
ووشو مش بيحمر اور خلى اللون وردى خفيف ويطلع يبرد
يضاف لة السكر البودرة ساعة التقديم افضل او قبلها بيوم
ويحفظ فى علبة بلستك وغطية بس بعد ما يبرد خالص
كل عام وانتم بخير