هنتعلم النهارده☺ الحمام☺
اول حاجه هنشتري الحمامه الطويله الي صدرها مليان لحم وبيبان وانتي بتشتريه.
الطريقه بقي هنضف الحمام حلو ونغسله بالدقيق كده وبسيط من الخل والملح ونسيبيه يتصفي .
تعالي نعمل بقي الحشوه.
حله ونحط فيها بصله مبشوره اومقطعه ناعم ونحط فيها حته سمنه وزيت ونشوح البصله خفيف ونحط القوانص ونشوحها كويس وعليها الكبده ونشوحها ونقطعها قبل مانحطها وعليهم الأرز ونشوهم ونحط كوبايه مايه كده ع مراحل حبه حبه لحد ما يستوي نص سواه بس علشان ميعجنش منك وانتي بتسلقيه .
وبعدين نحط ملح وفلفل وتوابل ورشه بابريكا وشطه ونبدا نحشي من تحت الجلد كده ومن الرقبه بررررررررررراحه بررررررراحه متتعصبيش علي الحمامه علشان متتقطعش وبتتطي الأرز كده جوه الحمامه براحه اوووي .
وحطي مايه ع النار وفيها ورق لورا وحبهان وربع معلقه سكر وبصله واول ماتغلي نزلي الحمام براحه كده ومتتعصبييش عليا لحد ما يستوي حوالي نص ساعه او ساعه الا ربع ع نار وسط .