المقادير:

9 طماطم
4 معلقة كبيرة صلصة طماطم
2 بصلة
2 فص ثوم
1 ½ معلقة صغيرة ملح
1 معلقة صغيرة فلفل اسود مطحون
½ معلقة صغيرة كمون
½ كيلو لحمة مفرومة
¼ كوب كزبرة خضراء

الخطوات :

هنبشر بصلة وحباية طماطم ونضيفهم على اللحمة المفرومة..هنضيف معلقة صغيرة ملح ونصف معلقة صغيرة فلفل اسود ونصف معلقة كمون على اللحمة المفرومة.هنضيف الكسبرة الخضراء ومعلقة كبيرة بقسماط ناعم ونعجن الخليط كويس.هنكور اللحمة المفرومة لكرات صغيرة الحجم.فى طاسة هنقلب كرات اللحم مع معلقتين كبار زيت لحد ما تحمر وتتماسك وهنصفيها من الزيت ونسيبها على جنب.هنقطع 8 حبات طماطم ونضربهم فى الخلاط مع نصف كوب ماء و 4 معالق صلصة طماطم ونسيبهم على جنب.فى حلة هنبشر بصلة وفصين ثوم مع معلقتين زيت ونقلبهم لحد ما يتحولوا للون الذهبى الفاتح.هنضيف عصير الطماطم على البصل والثوم مع نصف معلقة ملح ونصف معلقة فلفل ونقلبهم على النار لحد ما الصلصة تتماسك.بعد ما الصلصلة تغلى هنضيف كرات اللحم ونغطى الحلة وتترك على نار متوسطة لمدة 15 دقيقة أو حتى نضوج اللحم.