أنا فى الأصل مش شاعر ...
ولا بعرف اقول حرفين ...
و طول عمرى مانيش قادر ...
أقول انا حاسس ايه و لمين ...
لكن بتلاقى قدامك ...
بنى آدمين كتير ساكتين ...
و جواهم كلام يوجع ...
كلامهم خلّى جرحى اتنين ...
لقيت إنّى بعانى كتير ...
و ناس تانيه ماليها حنين ...
و جواها معانى كتير ...
ولا بتقول ولا قادرين ...
يدارو الأحاسيس فيهم ...
مشاعرهم ما ليها عنين ...
ف قررت انى اكون عينهم ...
لسان حالهم و متواعدين ...
أحس و اقول على المستور ...
و ناس تسمع تقول "حاسّين" ...
يقولوا إن انا شاطر ...
بطبطب عاللى جواهم ...
و إنى بالكلام قادر ...
أخلّى الجرح ينساهم ...
لا انا شاطر ...
ولا قادر ...
ولا فنان ...
أنا فى الأصل مش شاعر ...
أنا إنسان !!
#shikoeldali
انا في الاصل مش شاعر انا ...انسان ... بقلم /شيكو الدالي
من أحدث مقالات نادية حسن
- المصريه لمشروعات الشباب تختتم المنحه المجانيه ( تاهيل الشباب لسوق العمل)
- محافظه السويس ندوتان مشرفتنا لوحده السكان لدكتوره ساره أخصائي تعديل السلوك ندوه عن العنف والتنمر واثار التكنولوجيا على جميع تصرفات الانسان
- محافظه السويس ندوتان مشرفتنا لوحده السكان لدكتوره ساره أخصائي تعديل السلوك ندوه عن العنف والتنمر واثار التكنولوجيا على جميع تصرفات الانسان
- مبادره ( شبابنا مستقبلنا) لرفع الوعي بصحه المراهقين
- مشاركة وحدة السكان ممثلا عنها الدكتورة نهال صلاح الدين اخصائى النسا والتوليد