_انتي كويسه
_الحمدلله
_طيب .. حبيت اطمن عليكي
_فعلا !! .. طيب متشكره اوي
_لا متسوقيش فيها مش علشان كلمتك خلاص .
_انت كمان هتزعق تاني مكفكش اللي قولته امبارح ولا مخلصتش تهزيئ لسه .
_بقولك ايه اتمسي علي المسا مش ناقصه قلبه دماغ هي مش كل يوم ولا هو بقي كيفك .
_كيفي .. ههه مش انا اللي بتكيف يا استاذ
_انتي عايزه ايه دلوقتي بالظبط ..?
_بص يابن الناس انا بكلمك بقالي 4 سنين تقريبا ومخطوبين بقالنا حوالي سنه ومش عارفه انت بقيت عامل كده ليه و مبقتش عارفه حته اتعامل معاك
_حلو اوي الكلام ده .. بصي بقي اللي انا اقول عليه تقولي عليه حاضر ونعم وخلاص .. عجبك بقي مش عجبك مش قصتي اصلا .
_يا سلااااااام
_من غير ولا نص كلمه خروج .. دخول .. تكلمي ده .. تنزلي مع دي تلبسي ايه متلبسيش ايه كل ده انا اقوله وانتي تسمعي و بس .
_تمام بس الست اللي انت عايزها دي مش انا .. انا بحب شغلي وهكمل فيه و طول ما انا بستأذن من اهلي قبل ما اخرج و بعرفك كل حاجه بعملها يبقي انا كده زي الفل
اللي انت عايزها دي روح لمامتك تجيبهالك م البلد و صدقني هي ساعتها هتفرح بيك اوي .
_بصي يابنت الحلال انتي بتحبيني علي عيني وعلي راسي وانا بحبك مقولناش حاجه بس الحب اللي مش هيخليني راجل علي اهل بيتي ده يغور .. سمعتي يغور .
_انا مش شايفه اننا هنوصل لحل اصلا بالطريقه اللي بتتكلم بيها دي .. انا بقول تقفل ونتكلم وقت تاني تكون هديت فيه .
_مش بمزاجك .. تخيلي ان انا بردو اللي اقول امتي نقفل وامتي نتكلم .
_لو سمحت اقفل مش عايزه اتكلم معاك.
_السكه دي لو اتقفلت دلوقتي مش هتتفتح تاني ،، تمام كده
_نعم !!!!
_سمعتي .
_اه سمعت وعايزه اقفل لو سمحت .
_تيت ... تيت ... تيت

"انتهت المكالمه"

لم تكن في حالتك الطبيعيه يومها ولم اتدارك ما حدث الا بعد حين .
كذبت ابي حين قال لي أنه حاول الاتصال بك مرارا ولكنك لم تجب .. كذبتهم جميعاً حين اتصلت والدتك وقالت تلك العباره التي سئمت سماعها وكرهت كل من يتلفظ بها
"كل شئ قسمه و نصيب"
ما تلك القسمه و ما هذا النصيب الذي يلقي بخمس سنوات و ربما اكثر من حياه قلبين في نهر جاري ليلقوا حتفهما دون اي مقاومه .

يتبع ......