السجـــــائر
ورقة جواها سموم مشيلة أصحابها الهموم
فاكرنها بتشيل الهم وهى هم ياريت مايدوم
صدقنى دى هى سبب الغم بس انت بيها موهوم
ليه دايماً ذالل نفسك ومستسلم ليها زيادة عن اللزوم
لو مكنش ثمنها معاك تبقى عامل زى المحروم
لأى حد تهين نفسك وتقوله ادينى نفس مسموم
زى الأطفال منها بترضع عيب دا انت عليك الشنب مرسوم
دى لو منك اتمكنت هاتكون ليها مدمن ولإرادتك تكون مهزوم
ومحدش عليك هايحزن وعلى نفسك انت اللى هاتلوم
يللا نصحى ويلا نقوم ونبطل نشرب السموم
ونرجع تانى شباب الغد اللى كان منور زى النجوم
هاختم كلامى و اقول خسارة على اللى فاكر اسمها سيجارة
غلطان دا اسمها الحقيقى
القاتلة الدمارة